Qoşqar Kazımov ölkə ərazisində narkotik vasitələrin qanunsuz dövriyyəsinin qarşısının alınması istiqamətində görülən tədbirlərdən danışdI
Ucar Rayon Polis Şöbəsinin təşkilatçılığı ilə rayonun Boyat kənd tam orta məktəbində, eləcə də rayon ərazisində yerləşən Ağdam rayon 27 saylı tam orta məktəbdə “Narkomaniyaya yox deyək!” mövzusunda maarifləndirmə tədbirləri keçirilib.
Görüşlərdə RPŞ-nin rəis müavini, polis polkovnik-leytenantı Qoşqar Kazımov ölkə ərazisində narkotik vasitələrin qanunsuz dövriyyəsinin qarşısının alınması istiqamətində görülən tədbirlərdən danışaraq, məktəblilərə bu vasitələrin cəmiyyətə və insanların sağlamlığına vurduğu zərərlər barədə məlumat verib.
Daha sonra çıxış edən digər iştirakçılar keçirilən tədbirlərin mahiyyətindən danışaraq, təşkilatçılığa görə polis şöbəsinin əməkdaşlarına təşəkkürlərini bildiriblər.
Hər iki tədbirin sonunda şagirdləri maraqlandıran suallar cavablandırılıb.
Əlaqə whatsapp:+994 70 402 02 85
BakuNews.az
