Finlandiya XİN Rusiya səfirinə nota təqdim edib
Rusiyanın Finlandiyadakı səfiri Pavel Kuznetsov bazar ertəsi xarici işlər nazirliyinə dəvət olunub, burada ona iki Rusiya hərbi təyyarəsi tərəfindən hava məkanının pozulması ilə əlaqədar nota təqdim edilib.
Bu barədə Finlandiya Xarici İşlər Nazirliyi (XİN) məlumat yayıb.
"Səfirə bildirilib ki, Finlandiya ehtimal olunan ərazi pozuntusuna ciddi yanaşır və bu məsələnin aydınlaşdırılmasını xahiş edir. Səfirə bu məsələ ilə bağlı nota təqdim edilib", - XİN-dən bildirilib.
Finlandiya Müdafiə Nazirliyi mayın 23-də Porvoo sahilləri yaxınlığında iki Rusiya hərbi təyyarəsinin ölkənin hava məkanını pozduğunu bəyan edib. Ölkənin sərhəd xidməti hadisəni araşdırır və araşdırma irəlilədikcə məsələ ilə bağlı daha ətraflı məlumat təqdim edəcək.
Şikayət və təkliflər üçün qaynar xətt:
Əlaqə whatsapp:+994 70 402 02 85
BakuNews.az
Əlaqə whatsapp:+994 70 402 02 85
BakuNews.az
