FTB və Daxili Təhlükəsizlik Departamentinin (DHS) birgə bildirişinə əsasən, ABŞ-da keçmiş prezident Donald Trampın Florida ştatındakı Mar-a-Laqo malikanəsinə basqından sonra sosial mediada hüquq-mühafizə orqanlarının əməkdaşlarına təhdidlər artıb.

bakunews.az qaynarinfo-ya istinadən xəbər verir ki, bu barədə Rosbalt CBS telekanalına istinadla yazıb.

Məlumata görə, bildiriş cümə günü axşam saatlarında ölkə daxilində yerli və federal hüquq-mühafizə orqanlarına göndərilib. Orada deyilir ki, FTB-nin qərargahında "çirkli bomba” partlaması təhlükəsi var və "vətəndaş müharibəsi” və "silahlı üsyan” çağırışları yayılır. Bildiriş müəllifləri hesab edirlər ki, təhdid müəlliflərinin "konkret məqsədləri, taktikası və silahları” ola bilər.


Bildirişdə qeyd edilir ki, DHS "Trampın Mar-a-Laqo əmlakının axtarışı ilə bağlı məhkəmə, hüquq-mühafizə orqanları və dövlət məmurlarının, o cümlədən axtarış qərarını təsdiqləyən federal hakimin məqsədyönlü şəkildə öldürülməsinə dair çoxsaylı açıq təhdidlər və çağırışlar müəyyən edib". Həmçinin bildirilir ki, hüquq-mühafizə orqanları əməkdaşlarının şəxsi məlumatları - xüsusən də onların ailə üzvlərinin ünvanları internetdə yayılır. Ekspertlərin fikrincə, "yerli ekstremistlər” noyabrda keçiriləcək aralıq seçkilərini təhdidlərin eskalasiyası zamanı kimi görə bilərlər.

Öz növbəsində Tramp FTB agentləri tərəfindən ələ keçirilən sənədlərin "yerinə qaytarılmasını” tələb edib. Siyasətçinin "Truth Social” sosial şəbəkəsində yazıldığına görə, FTB-nin vəkil-müştəri imtiyazına aid olan materialların qutularını, habelə icra hakimiyyətinin qondarma imtiyazı ilə qorunan müəyyən məlumatların olduğu sənədləri əlindən aldığı iddia edilir. "Mən ciddi şəkildə xahiş edirəm ki, bu sənədlər dərhal alındıqları yerə qaytarılsın. Təşəkkürlər!" - Tramp yazıb.

bakunews.az