“Ziraat Bank Azərbaycan” ASC ilə “NN-Apollon” MMC arasında kredit müqaviləsinə görə mübahisə yaranıb.

32gun.az xəbər verir ki, bank şirkəti məhkəməyə verib.

İddiaya Bakı Kommersiya Məhkəməsində hakim Günay Namzovanın sədrliyi ilə baxılacaq.

“Ziraat Bank Azərbaycan” ASC 30 dekabr 2014-cü ildə Mərkəzi Bankın verdiyi 255 saylı lisenziya əsasında faəliyyət göstərir.
Yerli media bankla bağlı tənqidi materiallarla zəngindir.

Ötən il “Ziraat Bank Azərbaycan” bankın rəhbərliyinin vəsaitləi müxtəlif vasitələrlə dağıtması barədə sensasion məlumatlarla gündəmə gəlmişdi.

Həmin məlumatlarda deyilirdi ki, bankın idarə heyətinin keçmiş sədri ötən Avnı Dəmirçinin əsas fəaliyyəti müavini Rövşən İbrahimovun əli ilə saxta kreditlər verməkdən, xərcləri şişirdərək silməkdən ibarət olub. Nəticədə bankın kredit portfelində problemli kreditlərin həcmi günü-gündən böyüyüb.

Avni Dəmirçi daha sonra Rövşən İbrahimova etimadı bankın yeni açılan filiallar üçün ofislərin tapılmasını, onların təmirinə çəkilən xərclərə nəzarəti, həmçinin flilallara əsas vəsaitlərin alınmasını da tapşırıb.

Təmir xərcləri şişirdilərək astronomik qiymətlərlə rəsmiləşdirilir və yaxşı qazanc əldə edilib, daha sonra bölüşdürülüb.
İddialara görə, Avnı Dəmirçi İdarə Heyətinin sədri vəzifəsindən istefa versə də, Türkiyəyə dönməyib.

O, hələ Rövşən İbrahimov və bankdakı adamları vasitəsi ilə köhnə işlərini davam etdirir.