Aktrisa Pərvin Abıyeva qalmaqal yaşadığı aparıcı Azər İsmayılovun TikTok-dakı layihəsinin qonağı olub.


bakunews.az axşam.az-a istinadən xəbər verir ki, onlar yaşadıqları mübahisəyə aydınlıq gətiriblər. Pərvin Azəri onunla bağlı qeyri-etik videolar hazırlayıb yaymaqda ittiham edib:

"Mənim haqqımda yanlış məlumat yayıldı. Göstərdilər ki, onu sən etmisən. Sənə zəng vurdum, dedin ki, 3 balamın canına etməmişəm. Bu anddan sonra sənə inanmaya bilməzdim. Onu mənə necə rahatlıqla göstəriblər ki, inanmamaq mümkün deyildi".

Azər isə "Göstər onu edən kimdir, zəng vurum ona. Qoşum onu canlı yayıma. Bilmirəm kimdir, amma sən də bilmirsən mən kiməm. Arxamca qara yaxanlar, içinizi açacam, sizə qarşı eyni şeyi edəcəm. Yerimi bilir, gəlsin desin Pərvinə bu sözü mən demişəm. Deməyənə qədər nakişisən" cavabını verib.

Pərvin daha sonra Azərə "Elə kəlimələr işlədirsən ki, qıcıq oluram. İnsanı qıcıqlandırırsan, sonra sakit durursan. Sənə düşmən oldum, çünki canlı yayımına gəlmişdim, mən birinciliyi oynayırdım. Yığdım sənə, qayıtdın ki, yenə gəldin. Qayıtdın ki, oynamıram və bağladın" sözlərini söyləyib.

bakunews.az