Azərbaycan Respublikasının Prezidenti cənab İlham Əliyevə
Surəti: Azərbaycan Respublikasının Birinci vitse-prezidenti Mehriban xanım Əliyevaya
Şikayətçi: Siyəzən rayonu, Molla Vəli Vidadi küçəsi, ev 45 ünvanında yaşayan, 2-ci qrup müharibə əlili mərhum Zeynalov Qabil Mabəddin oğlunun həyat yoldaşı Zeynalova Nənəqız Qarababa qızı tərəfindən (Qazi ailəsi adından)
ŞİKAYƏT ƏRİZƏSİ
Azərbaycan dövlətinin banisi, Ümummilli Lider Heydər Əliyev tərəfindən əsası qoyulmuş və Sizin rəhbərliyiniz altında uğurla davam etdirilən dövlət siyasətinin mühüm istiqamətlərindən biri şəhid ailələrinə, müharibə iştirakçılarına və qazilərə diqqət və qayğının göstərilməsidir. Azərbaycan Respublikasının Birinci vitse-prezidenti Mehriban xanım Əliyeva da şəhid və qazi ailələrinin problemlərinin həllinə, onların sosial müdafiəsinin gücləndirilməsinə və layiqli həyat şəraitinin təmin edilməsinə daim xüsusi həssaslıqla yanaşır.
Dövlət səviyyəsində şəhid və qazi ailələrinin sosial rifahının yaxşılaşdırılması, onların məşğulluq imkanlarının genişləndirilməsi və qarşılaşdıqları çətinliklərin aradan qaldırılması istiqamətində həyata keçirilən tədbirlər belə ailələrin problemlərinin diqqətdə saxlanılmasının nə qədər vacib olduğunu göstərir.
Lakin təəssüf doğuran hal ondan ibarətdir ki, dövlətimizin bu həssas siyasətinə və şəhid, qazi ailələrinə göstərilən diqqət və qayğıya baxmayaraq, mənim ailəm uzun müddətdir işsizlik problemi ilə üzləşir. Dəfələrlə müraciət etməyimizə baxmayaraq, ailəmizin işlə təmin olunması məsələsi indiyədək həllini tapmayıb.
Bəs dövlətimizin şəhid və qazi ailələrinə diqqət və qayğı göstərilməsini nəzərdə tutan siyasəti yerli səviyyədə nə dərəcədə həyata keçirilir? Nə üçün bizim kimi qazi ailəsinin işsizlik problemi bu günədək həll olunmayıb?
Mən, Zeynalova Nənəqız Qarababa qızı, II qrup müharibə əlili (qazi) olmuş mərhum Zeynalov Qabil Mabəddin oğlunun həyat yoldaşıyam.
Həyat yoldaşım 27 aprel 2025-ci il tarixində vəfat etdikdən sonra ailəmizin əsas gəlir mənbəyi aradan qalxıb. Beş nəfərlik ailəmizdə işləyərək gəlir əldə edən yoxdur. Heç bir ailə üzvümüz əməkhaqqı, pensiya və ya sosial müavinət almır. Nəticədə ailəmiz ağır sosial və maddi çətinliklərlə üz-üzə qalıb.
Mərhum həyat yoldaşım sağlığında ailəmizin əsas təminatçısı idi. Onun vəfatından sonra ailəmizin dolanışığı daha da çətinləşib. Hazırda ailəmizin ən böyük ehtiyacı əmək qabiliyyətli üzvlərimizin işlə təmin olunması, öz əməyimizlə gəlir əldə etməyimiz və ailəmizin gündəlik ehtiyaclarını qarşılamaq imkanına sahib olmağımızdır.
Mən heç kimdən xüsusi imtiyaz və ya əsassız üstünlük istəmirəm. İstəyim yalnız ailəmin əmək qabiliyyətli üzvlərinin uyğun işlə təmin olunması, öz zəhmətimizlə dolanmağımız və ailəmizin sosial vəziyyətinin yaxşılaşdırılmasıdır.
Ailəmizin üzləşdiyi bu vəziyyətlə əlaqədar Siyəzən Rayon İcra Hakimiyyətinin başçısı Novruz Novruzova dəfələrlə müraciət edərək işlə təmin olunmağımıza köməklik göstərilməsini xahiş etmişik. Lakin təəssüf ki, çoxsaylı müraciətlərimizə baxmayaraq, bu günədək problemimizin həllinə yönəlmiş konkret nəticə əldə etməmişik.
Məhz buna görə də Azərbaycan Respublikasının Prezidenti cənab İlham Əliyevə və Birinci vitse-prezident Mehriban xanım Əliyevaya müraciət edərək ailəmizin vəziyyətinin obyektiv araşdırılmasını və işsizlik problemimizin həllinə köməklik göstərilməsini xahiş edirəm.
Möhtərəm cənab Prezident!
Siyəzən Rayon İcra Hakimiyyətinin başçısı Novruz Novruzov yeddi ildən artıqdır ki, bu rayona rəhbərlik edir. Bu müddət ərzində ailəmizin işlə təmin olunması ilə bağlı dəfələrlə müraciət etməyimizə baxmayaraq, problemimiz indiyədək həll olunmayıb.
Sual edirəm: Novruz Novruzov yeddi ildən artıqdır Siyəzən rayonuna rəhbərlik etdiyi halda, nə üçün bizim kimi qazi ailəsinin işlə təmin olunmasına indiyədək real köməklik göstərilməyib?
Ailəmizin ağır sosial vəziyyəti, heç bir sabit gəlir mənbəyimizin olmaması və dəfələrlə müraciət etməyimiz nəzərə alındığı halda, nə üçün bu problemə konkret həll yolu tapılmayıb? Müraciətlərimiz hansı əsaslarla araşdırılıb? Ailəmizin məşğulluğunun təmin edilməsi üçün hansı tədbirlər görülüb? Əgər tədbirlər görülübsə, onların nəticəsi nə olub?
Məni düşündürən digər mühüm məsələ isə Siyəzən rayonunda bu illər ərzində işə qəbul prosesinin necə həyata keçirilməsidir.
Görəsən, Novruz Novruzovun rayona rəhbərlik etdiyi bu illər ərzində Siyəzəndə kimlər işlə təmin olunub? Hansı şəxslər hansı işlərə qəbul ediliblər? İşə qəbul zamanı hansı meyarlar əsas götürülüb? Ailəmizin müraciət etdiyi dövrlərdə uyğun vakant iş yerləri olubmu? Əgər olubsa, nə üçün həmin imkanlardan yararlanmağımıza köməklik göstərilməyib?
Mən bu sualları başqa vətəndaşların işlə təmin olunmasına etiraz etmək üçün vermirəm. Hər bir vətəndaşın əmək hüququna hörmətlə yanaşıram. Məqsədim işə qəbul prosesinin obyektivliyinin və şəffaflığının araşdırılması, ailəmizin müraciətlərinin nə üçün nəticəsiz qalmasının səbəblərinin müəyyən edilməsidir.
Xahiş edirəm, Siyəzən rayonunda aidiyyəti qurumlarda son illər ərzində həyata keçirilmiş işə qəbul prosesləri obyektiv şəkildə araşdırılsın. İşə qəbul edilən şəxslər, onların tutduqları vəzifələr, işə qəbul tarixləri və tətbiq olunan meyarlar müəyyənləşdirilsin. Eyni zamanda, ailəmizin müraciət etdiyi dövrlərdə mövcud olmuş uyğun vakant iş yerləri, bu vəzifələrə qəbulun şərtləri və bizim işlə təmin olunmağımıza köməklik göstərilməsi üçün hansı imkanların mövcud olduğu araşdırılsın.
Əgər ailəmizin müraciətlərinə baxılarkən hər hansı nöqsana yol verilibsə, bunun səbəbləri müəyyən edilsin və nəticəsinə uyğun tədbirlər görülsün.
Möhtərəm cənab Prezident!
Siz dövlət başçısı olaraq dövlət məmurlarının xalqa xidmət etməsinin, vətəndaşların müraciətlərinə həssaslıqla yanaşmasının və insanların problemlərinin həllinə çalışmasının vacibliyini dəfələrlə vurğulamısınız. Rayon rəhbərlərinin də öz fəaliyyətlərində bu prinsipləri əsas götürmələri, vətəndaşların qanuni hüquq və mənafelərinin qorunmasına çalışmaları mühüm əhəmiyyət daşıyır.
Bəs belə olan halda, Siyəzən Rayon İcra Hakimiyyətinin başçısı Novruz Novruzovun rəhbərliyi dövründə ailəmizin işsizlik probleminin bu günədək həll olunmamasının səbəbi nədir?
Dövlətimizin rəhbərliyi tərəfindən şəhid və qazi ailələrinə diqqət və qayğının göstərilməsi, onların sosial problemlərinin həlli və məşğulluq imkanlarının genişləndirilməsi istiqamətində müəyyən edilmiş prinsiplərin yerli səviyyədə necə həyata keçirildiyi araşdırılmamalıdırmı?
Əgər vətəndaş dəfələrlə müraciət edirsə, ailəsinin heç bir sabit gəlirinin olmadığını bildirirsə və işləmək üçün kömək istəyirsə, onun müraciətinə hansı konkret nəticə ilə cavab verilməlidir? Belə müraciətlər yalnız qeydiyyata alınmaqla və ümumi cavablarla kifayətlənməlidir, yoxsa problemin həlli üçün mövcud imkanlar da araşdırılmalıdır?
Mənim fikrimcə, ailəmizin vəziyyəti məhz bu suallar əsasında obyektiv qiymətləndirilməli və işsizliyimizin aradan qaldırılması üçün real addımlar atılmalıdır.
Biz qazi ailəsi olaraq nə üçün işsiz qalmalıyıq?
Heç bir sabit gəliri olmayan, əməkhaqqı, pensiya və sosial müavinət almayan beş nəfərlik ailə necə dolanmalıdır? Ailəmizin əmək qabiliyyətli üzvlərinin işləmək və öz zəhmətləri ilə dolanmaq istəyi nə üçün indiyədək konkret nəticə ilə dəstəklənməyib?
Mən başqa vətəndaşlardan üstün tutulmağımızı istəmirəm. Sadəcə, ailəmizin sosial vəziyyətinin nəzərə alınmasını, müraciətlərimizə obyektiv baxılmasını və uyğun iş imkanlarından yararlanmağımız üçün köməklik göstərilməsini xahiş edirəm.
Hörmətli Mehriban xanım!
Sizdən də xahiş edirəm ki, qazi ailəsi olaraq üzləşdiyimiz bu çətinliyin diqqətdə saxlanılmasına, müraciətimizin aidiyyəti üzrə araşdırılmasına və əmək qabiliyyətli ailə üzvlərimizin işlə təmin olunması üçün müvafiq tədbirlərin görülməsinə köməklik göstərəsiniz.
Azərbaycan Respublikasının Prezidenti cənab İlham Əliyevə və Birinci vitse-prezident Mehriban xanım Əliyevaya ünvanladığım bu müraciətin əsas məqsədi ailəmizin probleminin həllinə nail olmaq, əvvəlki müraciətlərimizin nəticəsiz qalmasının səbəblərini öyrənmək və əmək hüquqlarımızın həyata keçirilməsi üçün mövcud imkanlardan yararlanmaqdır.
Yuxarıda qeyd olunanları nəzərə alaraq, xahiş edirəm:
Ailəmizin ağır sosial vəziyyəti nəzərə alınaraq müraciətim nəzarətə götürülsün, Siyəzən Rayon İcra Hakimiyyətinə ünvanladığımız əvvəlki müraciətlər araşdırılsın və onların nəticəsiz qalmasının səbəbləri müəyyənləşdirilsin.
Siyəzən Rayon İcra Hakimiyyətinin və aidiyyəti qurumların səlahiyyətləri çərçivəsində son illər ərzində işə qəbul prosesinin obyektivliyi və şəffaflığı yoxlanılsın, müraciət etdiyimiz dövrlərdə uyğun vakant iş yerlərinin olub-olmadığı müəyyən edilsin.
Əmək qabiliyyətli ailə üzvlərimizin bacarıqlarına, təcrübəsinə və imkanlarına uyğun işlə təmin olunması üçün aidiyyəti məşğulluq qurumları ilə birlikdə konkret tədbirlər görülsün.
Müraciətimizin nəticəsi və ailəmizin işlə təmin olunması istiqamətində görülmüş tədbirlər barədə mənə əsaslandırılmış yazılı cavab verilsin.
Möhtərəm cənab Prezident! Hörmətli Mehriban xanım!
Mən bir qazi həyat yoldaşı olaraq Sizə ümidlə müraciət edirəm. İstəyim ailəmin işləməsi, öz zəhməti ilə dolanması və gələcəyə inamla baxmasıdır.
Dövlətimizin şəhid və qazi ailələrinə göstərdiyi diqqət və qayğının bizim ailəmizin də probleminin həllində öz əksini tapacağına ümid edirəm.
Hörmətlə,
Zeynalova Nənəqız Qarababa qızı
Tarix: "27" oktyabr 2026-cı il
TEREF