Adının açıqlanmasını istəməyən Azərbaycan Universitetinin politologiya ixtisası üzrə təhsil almış bir keçmiş tələbə 2020-ci ilin yanvar ayında transfer.edu.az platforması vasitəsilə başqa ali təhsil müəssisəsinə köçürülüb. Tələbə birinci kursun əvvəlində universitetə 3000 AZN illik təhsil haqqı ödədiyini, lakin ikinci semestrdə dərsə başlamadan başqa universitetə keçdiyi üçün təhsil almadığı dövrün ödənişinin geri qaytarılmasını tələb etdiyini bildirir.

Tələbənin sözlərinə görə, yanvar ayında tələb olunan akademik transkripti almaq üçün ondan müəyyən sənədlərə imza atması xahiş olunub. Tələbə deyir ki, rektor müşaviri Nüşabə Quliyeva imzanın atılması qarşılığında ona təhsil haqqının yarısını geri qaytarılacağını vəd edib. Lakin tələbə imzanı atdıqdan sonra ödənişin qaytarılmasının mümkün olmadığı deyilib. Bu səbəbdən tələbə faktiki olaraq təhsil almadığı bir semestrin haqqını ödədiyini qeyd edir.

Tələbə məsələnin araşdırılması üçün Təhsil Nazirliyinə müraciət etdiyini, lakin ona özəl universitetlərin daxili maliyyə qərarlarına nazirliyin qarışa bilməyəcəyi cavabının verildiyini bildirir.

Burada diqqət çəkən məqam odur ki, tələbə ödədiyi təhsil haqqının istifadə edilməyən hissəsinin qaytarılmasını tələb etdiyini, lakin prosesi tənzimləyən mexanizmlərin qeyri-şəffaf olduğunu düşünür. Bu cür hallar ümumilikdə universitetlərin qaydaları, müqavilə şərtləri və tələbəyə imzaladılan sənədlərin hüquqi mahiyyəti ilə bağlı suallar yaradır.

Maraqlıdır ki, Nüşabə Quliyeva vətən müharibəsi dövründə tələbə ilə ilk görüşündə tələbədən hansı ixtisasa transfer olacağını soruşub, tələbə isə ya ADU Beynəlxalq Münasibətlər ya da BDU Regionşünaslıq (Pakistan üzrə) ixtisasına transfer olacağını bildirib. Nüşabə xanım isə bunun mümkün olmayacağını bildirib. Tələbə Nüşabə Quliyevadan tələbənin pulunun yarsının geri qaytarılmasını xahiş edib. Nüşabə Quliyeva söhbətdə Pakistanın Azərbaycanda gözü olduğunu bildirib. Və Regionşünaslıq (Pakistan üzrə) ixtisasının yaxşı olmadığını bildirib. Tələbə beynəlxalq münasibətlər ixtisasına transfer olduğdan sonra yenə pulun yarısını geri qaytarılmasını tələb edib, lakin Nüşabə Quliyeva deyib ki mən sizi təcrübəsizliyinizdən istifadə edərək sənədə qol çəkdirmişəm artıq istəyirsinizsə məhkəməyə müraciət edin, pul geri qaytarılmayacaq. 

Pakistanın Azərbaycanda gözü var?

44 günlük Vətən müharibəsi zamanı Pakistanın Azərbaycana göstərdiyi açıq və qətiyyətli siyasi dəstək hələ də Azərbaycan ictimaiyyətində yüksək qiymətləndirilir. Həmin dövrdə Pakistan rəsmilərinin “Hünəriniz var Azərbaycana hücum edin, qarşınızda təkcə Azərbaycan ordusunu yox, Pakistanı da görəcəksiniz” mesajı iki ölkə arasındakı sarsılmaz qardaşlıq münasibətlərinin simvolu kimi qəbul olunub.

Tələbə münasibət bildirərək Nüşabə Quliyevanın söylədiyi sözlərə etirazını ifadə edib:

"Qardaş, dost, müttəfiq haqqında belə danışmaq olarmı, Nüşabə xanım? ‘Mən dövlət adamıyam’ deyirsinizsə, dövlət adamı dövlətin yanında olmalıdır, AXCP-nin, Rusiyanın yox”, – deyə tələbə qeyd edib.

Tələbə vurğulayıb ki, Pakistanın Azərbaycan üçün göstərdiyi dəstək unudulmamalıdır və bu cür müttəfiq ölkələr barədə səslənən hər ifadə məsuliyyət tələb edir.

Rektor Müşaviri Nüşabə Quliyeva kimdir?

1984-cü il mayın 15-də Bakı şəhərində anadan olmuşdur. 2000-ci ildə Nəsimi rayonu 247 saylı orta məktəbi fərqlənmə ilə bitirmişdir.

2017-ci ildən Azərbaycan Universiteti, Rektorun müşaviri, Azərbaycan Universiteti, Beynəlxalq Magistratura və Doktorantura Mərkəzi, direktorudur.
2009-2017-ci illərdə Azərbaycan Dövlət Pedoqoji Universiteti, Ümumi tarix kafedrası, müəllim, baş müəllim vəzifəsində çalışıb. 

Qarşı tərəfin mövqeyini dərc etməyə hazırıq.