Bu gün cəmiyyətdə, xüsusilə dövlət qurumlarında işləyən şəxslərin qeyri-qanuni sələmçilik fəaliyyəti ilə məşğul olmaları ciddi narahatlıq doğurur. Dövlətimizin qanunları ilə cinayət hesab edilən bu cür fəaliyyətlər, hüquq mühafizə orqanlarının çoxsaylı əməliyyat tədbirlərinə baxmayaraq hələ də davam edir. İllərdir bu məsələnin həlli üçün cəhdlər edilsə də, bəzi fərdi şəxslər, xüsusən də yüksək vəzifəli məmurların dəstəyi ilə bu qanunsuz fəaliyyətlərini genişləndirirlər. Məqaləmizdə, xüsusilə Fövqaladə Hallar Nazirliyi (FHN), Daxili İşlər Nazirliyi (DİN) və digər dövlət qurumlarında çalışan şəxslərin, Pərvanə Həsənova kimi qeyri-qanuni sələmçilərin əlində necə asılı vəziyyətə düşdüyü araşdırılacaq. Həsənovanın illərdir gizli şəkildə sələmçiliklə məşğul olduğu, dövlət işçilərinin maaş kartlarını girov qoyaraq onlara yüksək faizlə pul verdiyi və bu fəaliyyətinin arxasında duran güclü məmur şəbəkəsi haqqında məlumatlar toplanıb. Qeyri-qanuni sələmçilik fəaliyyətinin azyaşlı uşağına baxan bir tənha ana tərəfindən necə genişləndirildiyi və müxtəlif dövlət qurumlarında çalışan insanları necə öz təsiri altına aldığı barədə daha ətraflı məlumat təqdim edəcəyik.

Qeyd edək ki, Pərvanə Həsənova Seyfəddin qızı əslən Cəbrayıl rayonundan olduğu ailəli olması həyat yoldaşından bir qız doğulduğu, hazırda isə həyat yoldaşı vəfat edib və qızını tək ana olaraq böyüdüb – deyə məlumatları əldə etmişik. Həmçinin Pərvanə Həsənovanın illər əvvəl Socarın müvafiq idarələrindən birində çalışıb. Əldə edilən məlumatda həmçinin Socarda işlədiyi zaman sələmçiliklə məşğul olmasının üstü açıldığına görə işdən xaric edilməsi barədə qərarın qəbul edilməsidə əldə edilən məlumatlarda yer alır.

Əsas məsələ isə Pərvanə Həsənovanın illər əvvəl sələmçiliklə məşğul olduğuna görə, Hüquq Mühafizə orqanları tərəfindən saxlanılması məlumatıdır ki, nəticə etibari ilə övladının azyaşlı olması nəzərə alınaraq ona xəbərdarlıq edilərək sərbəst buraxılması qərarı verilmişdir. Lakin dövlətin güc strukturlarının xəbərdarlığı göründüyü qədər Pərvanə Həsənovaya heç bir təsir göstərməyib. Əksinə Pərvanə Həsənova tutduğu əməlini genişləndirərək dahada yüksək müştəri auditoriyası toplayıb. Aparılan araşdırmalardan müəyyən edilib ki P.Həsənova saxlanılarkən onun mənzilindən 60-80 dövlət əməkdaşlarına məxsus məvacib kartları müəyyən edilərək götürülüb. İllər əvvəl bu qədər təlabatlara cavab verə bilən bir tənha ananın socar əməkdaşının yüksək məbləğdə verdiyi pulların əsil sahibinin kimliyidə maraq dairəmizə düşdü. Deyilənə görə ilk sələmçiliyə başlayanda Socarın yüksək vəzifə sahiblərindən birinin şəxsi vəsaitini faizə verən Pərvanə Həsənova toxunulmazlığını arxalandığı həmin məmurun hesabına Socarda işdə qala bilirmiş. Açıq şəkildədə sələmçiliyini davam etdirirmiş. Arxalandığı şəxsin işinə xitam verildikdən sonra rəhbərliyə verilən məlumat əsasında Pərvanə həsənova Socardan azad edilib.