Xaçmaz rayon icra başçısı Elnur Rzayev doğum gününü şəhid anası ilə birlikdə qeyd etdi FOTOLAR
Elnur Rzayev bu il doğum gününü xüsusi bir mənəvi mühitdə – şəhid ailəsi ilə birlikdə qeyd edib. Xaçmaz rayonunda keçirilən görüşdə rayon rəhbəri Vətən uğrunda canından keçmiş Davud Hacıyevin anası Validə Hacıyevanı doğum günü münasibətilə təbrik edib.
Səmimi və duyğusal atmosferdə baş tutan görüş zamanı icra başçısı şəhid anasına ən xoş arzularını çatdırıb, onun qayğıları ilə yaxından maraqlanıb. Bildirib ki, şəhid ailələrinə diqqət və qayğı dövlət siyasətinin əsas istiqamətlərindən biridir və bu istiqamətdə görülən işlər davamlı xarakter daşıyır.
Şəhid anası Validə Hacıyeva da öz növbəsində eyni tarixdə doğum gününü qeyd edən Elnur Rzayevi təbrik edib, göstərilən diqqət və qayğıya görə təşəkkürünü bildirib. O, ölkədə şəhid ailələrinə göstərilən yüksək münasibətin dövlət səviyyəsində daim diqqət mərkəzində saxlanıldığını vurğulayıb.
Görüş zamanı İlham Əliyevin və Mehriban Əliyevanın şəhid ailələrinə göstərdiyi xüsusi diqqət və qayğı da minnətdarlıqla qeyd olunub.
Sonda icra başçısı şəhid anası ilə birlikdə doğum günü tortunu kəsərək bu əlamətdar günü birlikdə qeyd edib. Bu addım bir daha göstərir ki, şəhid ailələrinə mənəvi dəstək və diqqət cəmiyyətin əsas dəyərlərindən biri olaraq qalır.
Əlaqə whatsapp:+994 70 402 02 85
BakuNews.az
