400 manat əmək haqqı alan müəllimə maaş kartının vaxtı bitdiyi üçün Kapital Bank a yaxınlaşır. Yeni kartını alır və bankda ona "sizə 10 min manat kredit düşür, istəyirsiz?".
Beləcə bank vətəndaşa 10 min kredit ayırır və pul kart hesabına yüklənir.
Bir neçə gün sonra vətəndaş xəbər tutur ki, kartından nə az nə çox düz 7 min manat qeybə çəkilib.
Dərhal banka müraciət edən başı bəlalı adama polisə ərizə vermək təklifi olunur. Vətəndaş polisə müraciət edir, ərizə yazır və sairə...
Və 5 aydır hələ araşdırılır, hələlik nəticə yoxdur. Bu öz yerində.
Daha maraqlı məqamlar var qarşıda, ona görə səbrli olun.
TEREF yazır ki, bunu BizimXeber saytının baş redaktoru Ədil Hüseynli yazır. Daha sonra Ədil Hüseynli yazır:
Bu vaxt ərzində Kapital Bank vətəndaşa hər gün zəng edir ki, krediti ödəyin. Vətəndaş da bildirir ki, pulu o xərcləməyib, sistemdən yoxa çıxıb, araşdırın görək pul hara qeyb olub. Bankçılar da bilmirəm pul necə buxarlanıb, kimin qurbanı olub. Deyəsən biri deyib ki, Belarusa gedib)
Beləliklə, prosses təxminən 5 ay çəkib. Bu aylar ərzində Bank vətəndaşa pulun hara qeyb olduğunu əsaslandıra bilməyib.
Üstəlik vətəndaş bankdan kart çıxarırşı da ala bilmir, daha doğrusu, vermirlər.
Amma Bank kreditin ödənilməsini dayanmadan tələb edir, faizlər də öz yerində.
Bu da son deyil. İki gün öncə vətəndaşa bəlli olur ki, kartı bank tərəfindən bloklanıb. Banka yaxınlaşır və səbəblərini soruşur. Səbəb bəlli deyil və sairə...
Və bu da hələ son deyil.
Teref yazır ki, Ədil Hüseynli müəllimənin başına gətirilən oyunların hələlik nə ilə tamamlandığı barədə yazır:
Kapital Bankdan deyirlər ki, onun 400 manatlıq əmək haqqından bank özü 328 manat tutacaq.
400 manatdan 328 manat tutmaq da Allah tərəfi səliqəli, insaflıdır. Qalan 72 manata rahat yaşamaq olar. Amma kart blokdadır, 72 manatın aqibəti də bəlli deyil.
Ortada nə məhkəmə qərarı var, nə məcburi icra haqqında qərar var, nə də 7 min hara qeyb oldu deyən. Adamlar oturduğu yerdə bəlaya düşüblər.
Hə, deyim ki, bu aylar ərzində 7000 manat inkişaf edərək 8400 manat olub...
Beləcə Kapital Bankla şiroka şaqaet...
Ədil Hüseynli
TEREF